Энэ блогоос: | Үүцлэх | өөр блог » |
Блог үүсгэх | Нэвтрэх |
Xэн Надаас болон Миний үгнээс ичнэ, Хүний Хүү ч мөн Эцгийнхээ цог жавхлан дотор ариун тэнгэр элч нарын хамт ирэх үедээ тэр хүнээс ичих болно . - Есүс Христ -
Өдрийн үг: "Зөвт хүн итгэлээр амьдарна." Ром [1]:17
Бурханы дуудлагыг дагахад хэзээ ч эртдэхгүй. Бурхан хүнийг голж шилж бага балчир том жижиг гэж ялгадаггүй. Учир нь Өөрөө бүхнийг чадагч хэнээр ч Өөрийнхөө ажлыг хийж чадна. Тиймээс өөрийгөө хэзээ ч эрт байна гэж бүү бодоорой. Бурхан Өөрийнхөө гайхамшгийг үйлдэхдээ чиний чадахгүйг чадуулж, чиний мэдэхгүйг мэдүүлж, хүрээгүйд хүргэж, даваагүйг давуулж харуулдаг билээ. ЭЗЭН чамтай хамт байг.
Энэ өдрийн мэнд. Удаан хугацаанд сайт дээрээ бичлэг нэмсэнгүй. Санаа оноо их ч нэг л тухлан сууж бичих боломж байсангүй. Энд ч нэг төсөл, тэнд ч нэг дипломын ажил, дунд нь ч нэг асуудал, гээд л амьдрал дөнгөж эхэлж л байна. Хэцүү л дээ, гэхдээ үүнээс хэцүүг нь туулаад явж байгаа хүн олон байж л байна. Гэхдээ бидний дээр туслах хэн Нэгэн байгаа нь гайхалтай. Харин Түүнийг олж Түүнтэй алхаж Түүн дотор зогсоно гэдэг хүн бүрийн хүсэл биш байх.
Авахаасаа илүү өгөх нь ерөөлтэй билээ. Миний та нарт өгч байгаа зүйл тийм том, тийм гайхамшигтай биш ч гэсэн бидний ЭЗЭН Бурхан ирэхэд хов хоосон сууж байхгүй, харин үрж жимстэй, итгэлээрээ баатрууд байгаасаа, итгээгүй нэг нь итгээд аврагдаасай гэж хийдэг билээ. Та бүхэн хэрэгтэй гэж үзвэл сайтад байгаа видео бичлэгүүдийг татаж аваад интернетээр үзэх боломжгүй нэгэндээ үзүүлээрэй. ЭЗЭН Бурхантай бүгдийг хамт.
Та бүхнийг Монгол улсынхаа төлөө залбирах залбиралд уриалж байна. Та хажуу талд байрлах "Монголынхоо төлөө залбирцгаая" гэсэн товчлуур дээр дарж илүү ихийг мэдээрэй.
Удахгүй Eagle-TV-ээс гаргах гэж байгаа “Биднээс эхэлнэ” залуусын нэвтрүүлгийг танилцуулахдаа таатай байна. Энэхүү нэвтрүүлэг нь сүм цуглаан болон христчин байгууллагад Эзэний төлөө үйлчилж байгаа залуучуудын үйлчлэлийн үнэ цэнийг нь ойлгуулж, урам өгч, босгон байгуулахад, мөн түүгээрээ дамжуулан залуусыг үйлчлэлд уриалах эрхэм зорилготой юм байна. Үүнд бас та бид хоёр ч бас хувь нэмрээ оруулж өөрсдийн ЭЗЭН Бурханыг алдаршуулах боломжтой юм байна. Харин яаж?
Компьютерынхаа дэлгэцний зургийг солиход зориулж ишлэлтэй ахиад хэдэн зураг нэмж орууллаа, татаад аваарай. Сонгоод эсвэл бүгдийг нь татаж авч болно. Мөн зургийн цомогт 4 дэх цуврал нэмэгдсэн байгааг давхар мэдэгдье. Ханын цааснуудын 2 дахь хувилбарыг зургийн цомогт 5 дахь цуврал болгон нэмлээ. Татаж авах хаяг нь зургаа үзэж байхад доор нь бий. Нэг нэгээр нь татахдаа шууд хулганаараа татаад дэлгэцэн дээрээ татаад тавиарай.
Аливаа түүхийг улс төрийн зорилгоор бичдэг үүнээс болоод түүхэн үнэн гуйвуулагддаг эсвэл дарагддаг бүр заримдаа зохиомол домгон түүх хүртэл үүсдэг билээ. Би энэ удаа Монголын түүхэн дотроос дарагдсан эсвэл зориуд мартагдсан байж магадгүй Монголын бичгийн түүхийг дэлгэхийг зорилоо.
Бурханд итгэдэггүй юм уу? Хэрвээ та эргэлт хийхгүй бол өөрчлөлт ирэхгүй. Хүний амьдралд эргэлт хийх боломж тийм олон олдоггүй. Гэхдээ таны амьдралын өдрүүд үргэлжлээд байгаа нь таныг эргэлт хийгээсэй гээд хүлээгдээд байгаа юм. Явж байгаа замаасаа эргээд нэг харвал яасан юм бэ? Энэ сүүлчийнх нь биш гэдгийг би мэдэх билүү. Өдрүүдийг минь тоолсон Нэгэн байдаг гэдэгт би эргэлзэж байна гэж үү. Хүсэхгүй бол үхсэн хүн амилаад ирсэн ч хүн гэдэг бүтээл үнэнд итгэхгүй.
Ингээд л бол оо юм уу? Иймхэн зүйлийн төлөө л мэрийгээд байгаа юм гэж үү? Энэ л ердөө амьдрал юм уу? Ингээд л бас дуусаа юм гэж үү? Та өнөөдөр өөрөөсөө асуу? Бурхан, чөтгөрт итгэдэггүй ч гэсэн үхэл ирж энэ амьдрал дуусахад мөнх ертөнц, өөр нэг ертөнц таныг хүлээж байгаа гэдгийг та лав зөн совингоороо мэдэрдэг байх. Гэхдээ бид амьтан биш, бид зөн совингоор амьдардаггүй. Учир нь бидэнд итгэл гэж зүйл байдаг. Итгэлтэй бай.
Итгэ тэгвэл та ялна. "Итгэл бол бидний найддаг зүйлсийн бодит байдал, харагдахгүй зүйлсийн баталгаа мөн. " Еврей 11:1. Танд ердөө хэдхэн минутад сайн мэдээ дуулгах гэсэн юм. Мэдээж энэ нь итгэлээр хүлээж авбал л сайн мэдээ байх болно. Гэхдээ танд итгэл байгаа, хүн бүхэнд л байгаа. Хүн жинхэнэ үнэнд итгэхгүйдээ биш, харин хүсдэггүй дээ л хүлээж авдаггүй нь Худлаа биш. Бурхан хүнд аврал өгсөн, тэгээд бүх дэлхийд тарааж итгэсэн нь аврагдаг гэсэн.
Хаана ч явсан гар утастайгаа бол одоо хаана ч явсан гар утсандаа Библийн шинэ гэрээ, эхлэл болон дуулал номуудыг аваад явах боломж ирлээ. Хэрэгтэй ишлэл, цээжлэх ишлэл, чимээгүй цагаар уншсан ишлэл, тунгааж буй, хэн нэгэнд хэлэх ишлэл гээд ЭЗЭНий үгийг хэдэн товчлуур дараад л унших боломжтой гэсэн үг. Дээрээс нь хавчуурга, хайлт, харагдац гэх мэт муугүй хэдэн тохируулгатай Монгол хэл дээрх "Гар утас Библи"-н эхний хувилбарыг хүргэж байна.
Бурханы үгээр явж байгаа хүнд атаархагч нэгэн байдаг. Сайн мэдээнд битгий итгээсэй, битгий Бурханы үгээр амьдраасай, битгий мөнхийн хаанчлалд багтаасай гэх эсэргүүцэгч хар хүч байдаг. Хэрвээ үгүй байсан бол бүгд л Бурханы мөнхийн алдар дотор амар амгалан, аж жаргалтай байх байсан. Түүнд зориулж там ч гэж байхгүй, түүний араас очих нүгэлтэн ч гэж байхгүй л байх байсан. Гэхдээ айх зүйл байхгүй ЭЗЭН бидэнтэй дэлхийн төгсгөл хүртэл хамт шүү. Тэгвэл бидний эсрэг хэн байна вэ?
Завгүй, завгүй, завгүй. Харин та? Дэлхийн хэрэгт биш... дэргэдэх хэвтэртэй ч биш, Бурханы хаанчлалын төлөө завгүй байна гэдэг өөр хэрэг. Гэхдээ бас өөр нэг завгүй амьдрал хаа нэгтээ байсаар л байна. Хүнд дарамт нь хүмүүсийг хүлсээр л байна. Хэн нэгэн хэрвээ "Би зүгээр завгүй байна, энэ гэм биш, нүгэл ч биш, юу ч биш" гэвэл энэ нь Бурханд лав таалагдахгүй, Түүний хаанчлал ирэхэд ч завгүй үлдээд хоцрох сонголт. Итгэлгүй хүнд бол энэ бүр ч хамаагүй.
Энэ гэрчлэлийг оруулахад маш олон саад байлаа. Фонт нь таарч өгөхгүй, уншиж, сольж болохгүй хуулж ч болохгүй гээд л. Гэхдээ хуулж бичээд болгочихлоо., одоо та унших гэж байгаад таатай байна. ЭЗЭНийг гэрчилцгээе!
Хэн, хэзээ, хаана хийсэнг нь мэдэхгүй ч бодит амьдралаас сэдэвлэн хийсэн гэж би бодлоо. Энэхүү кино нь бидний ЭЗЭН бүхнээс илүү Есүс Христийг гэрчлэн хийсэн кино байна. Юуны өмнө энэ киног хийсэн хүмүүст талархлаа бас илэрхийлье. Бурхан ивээг та бүхнийг.
Та хэн нэгний хийсэн зүйлд атаархаж байна гэж үү? Та өөрийгөө бусдаас илүү гэж бардам зан гаргалаа гэж үү? Тэглээ гээд хэн хожих бэ?
Лук зарим нь Луух ч гэдэг хүний бичсэн гэрчлэл номоор хийсэн монгол хэл дээрх Есүс Христийн киног хүргэж байна. Кино нэлээн урт учраас бас бичлэгийн чанарыг алдуулахгүйн тулд 15 хувааж youtube дээр тавьсан тул та бүхэн тухлан сууж үзэн үү. Хэрвээ удаан интернет хурдтай бол үзэж байх хоорондоо бусад хэсгийг нь "Play >> Pause " болгож байгаад үзээрэй. Тэгвэл дараа дараахыгаа шууд гацалтгүй бас хүлээлтгүй үзэх боломжтой. 
Компьютерыхaa дэлгэцийн зургийг нэг солиод үзвэл яасан юм бэ? Хэдэн ширхэг ишлэлтэй хамт зураг оруулчихлаа татаад аваарай. Сонгож байгаад таалагдсанаа татаж болно аль эсвэл бүгдийг нь ч нэг дор татаад авсан чиг болно. Ханын цааснуудыг зургийн цомогт гурав дахь цуврал болгон нэмсэн байгаа. Татаж авах хаяг нь зургаа үзэж байхад доор нь бий. Нэг нэгээр нь татахдаа шууд хулганаараа татаад дэлгэцэн дээрээ тавиарай.
Есүс дахин амилсныхаа дараа шавь нартай Түүний тухай гэрчлэл хийлгэхээр, сайн мэдээг бүх ард түмэнд тараалгахаар илгээж, гэрчлэлд итгэсэн нэгэн нь, сайн мэдээг хүлээж авсан болгон нь мөнх амьтай болно гэж хэлсэн юм. Ингээд Ундраагын гэрчлэлийг хүргэж байна. 1 Тимот 6:12 "Итгэлийн сайн тэмцлээр тэмц. Мөнх амийг барьж ав. Чи мөнх амь уруу дуудагдсан бөгөөд олон гэрч нарын өмнө сайн гэрчлэл хийсэн. "
Гар утасны хэрэглээг өнөөдөр гэж хэлэхэд хэтэрхий оройтох бөгөөд өчигдөр гэхэд л аль хэдийнээ хэн бүхний хэрэгцээ болчихсон. Хэрвээ та гар утастай л бол тэр тантай хамт л байгаа. Бараг Бат хаана байна, гар утас нь тэнд гэж хэлснээс, гар утас нь хаана байна Батаа тэнд л байгаа гэж хэлбэл тоглоомоор ч гэсэн утгаараа бол илүү үнэн сонсогдох байх. Тэгвэл энэ хэмжүүрээр Библи-ээ хэрэглэвэл юу болох бол гэж та бодож үзсэн үү? Энэ бичлэгийн дараа нэгэн сурьприз та биднийг хүлээж байгаа юм шүү.
Итгэгч ахан дүүсийн хооронд бяцхан асуулт хариулт зарлалын самбар оруулчихъя. Бие биендээ хэрэгтэй байгаа зүйлсээр, мэдээллээр нь, хэрэгцээгээр нь боломжтой бол тус хүргэх нь бие биенийхээ ачаанаас үүрэлц гэсэн ЭЗЭНий үгийн нэгээхэн ч болов хэсгийг биелүүлж байгаа болох байх. Бид Христ дотор нэг бие болон хайраар холбогдох учиртай. Хажуу хэсэгт "Aсуулт" гэсэн нэрээр нэмлээ, асуухаа асуугаад хариулахаа хариулцгаая . . . 
"Бурханд хандаж зүрхэндээ баяртайгаар дуулах сүнслэг дуу, магтуу, дууллууд хийгээд бүх мэргэн ухаанаар та нар бие биедээ заан, бие биеэ сэнхрүүлэн Христийн үг та нарын дотор бялхам орших болтугай. " Колоссай 3:16.
Сайтад байгаа дуунуудаа нийтэд хязгааргүйгээр татаж авах боломжтой болгон тавилаа. Шууд татаж авч болно. Яаж татах зааврыг дэлгэрэнгүй тайлбарласан байгаа. Дууны санд нэмэгдэх дуу болгоныг татах боломжтой. Сайтын дууны сонсох боломжийг хязгаарлахгүйн тулд энэ аргыг хэрэглэлээ.
